Hazrat Haji Abdur Rehman Shah Baba Dongri Ke Sultan

 Hazrat Haji Abdur Rehman Shah Baba Dongri

Haji Abdur Rehman Shah Baba R-A 

         Aap R-A Ka Pura Naam Hazrat Haji Abdur Rehman Shah Qadri R-A Hai . Aap Ko Zamana Dongri Ke Sultan Ke Naam Se Janta Hai . Dongri Ke Sultan Aap Ka R-A Ka Lakab Hai .

           Aap Ki Wiladat ( 1211 Hijri ) Me Sennur Salim Madrase Me Hui . Aap Ke Walid Ka Naam Hazrat Shamshuddin Qadri R-A Hai .

Aap R-A Hindustan Ki Riyasat Maharashtra Ke Shehar Mumbai Me Tashreef Laye OR Mumbai Ke Mashoor Elake Paydhuni Ki Ek Masjid Me Sukoonat Ikhtiyar Ki ,

Aap R-A Qurane Hafiz The , OR Madrase Me Bacchon Ko Qurane Majid Ki Talim Diya Karte The .

         Zulhijja Ke Mahine Me Hajje Baitullah Ke Daoran Apne R-A Ne Mirza Sina Se Faiz Hasil Kiya. Hajj Mukammal Karne Ke Baad Jab Hindustan Wapas Tashreef Laye To Aap R-A Ne Sab Kuch Chod Diya OR Sirf OR Sirf Allah Ki Ibadat Wo Riyazat Me Masroof Ho Gaye . 

         Aap R-A Ki Zahiri Zindagi Me Log Aap Ke Pass Aate Jo Pareshan, Bimar, Ya Bebas, Hote OR Apni Pareshaniyan Bayan Karte To Aap R-A Unki Pareshani Samat Karte , Aap Ke Pass Ek Assa Mubarak ( Chadi ) Tha To Us Asse Ko Pareshan Haal , Bimar Mariz Ke Sar Par Marte Jisse Us Mariz Ko Foran Shifa Mil Jati OR Pareshan Haal Bhi Thik Ho Jata .

         Hazrat Haji Abdur Rehman Haji Abdur Rehman Shah Baba R-A Ki Be Shumar Karamaten Hai Jin Me Se Ek Karamat Ye Bhi Hai , Aap R-A Ki Is Karamat Ke Bare Me Kaha Jata Hai Ke Ek Martaba Aap R-A Mumbai Ke Musafir Khane Me There Hue The . To Ek Shakhs Ne Kisi Galat Fehmi Ki Wajah Se Aap R-A Ke Khilaf Mumbai Police Station Me Aap Ke Naam Ki Shikayat Darj Karwa Di .

         Fir Dusre Din Hi Mumbai Police Ne Hazrat Haji Abdur Rehman Shah Baba Ko Hawalat ( Jeel ) Me Dal Diya , Lekin Ussi Din Sham Ko Logo Ne Hazrat Haji Abdur Rehman Shah Baba Ko Tehalte Hue Dekha . Jab Ke Hawalat ( Jeel ) Ka Tala Khula Hua Bhi Nahi Tha .

         Fir Mumbai Police Ne Aap Ko Hawalat ( Jeel ) Ke Andar Fir Se Band Kar Diya . Lekin Fir Dusre Din Logo Ne Aap R-A Ko Bahar Dekha Kain Baar Aisa Hone Par Mumbai Police Hairan Ho Gai OR Aap R-A Ko Ba Izzat Riha Kar Diya , Subhanallah 

         Mumbai Ke Jis Police Staition Me Aap Ko Hawalat Me Band Kiya Gaya Tha Ussi Police Staition Me Aaj Aap Ka Chilla Mubarak Maujood Hai.

         Hazrat Haji Abdur Rehman Shah Baba Urf Dongri Ke Sultan ( 1 Jamadil Alwwal , 1336 Hijri ) (13 February 1918 A.D ) Ko Is Duniya Se Parda Farma Gaye . إِنَّا ِلِلَّٰهِ وَإِنَّا إِلَيْهِ رَاجِعُونَ,

 Aap Ki Mazare Mubarak Mumbai Ke Dongri Nami Elake Me Maujood Hai. 

         OR Aaj Bhi Aap R-A Ke Aastane Par Kaseer Tadat Me Log Aate Hain Aap Ke Chahane Wale Aap Ko Manne Wale Aap Ke Aastane Par Aate Hain OR Allah Ki Bargah Me Aap Ko Wasila Bana Kar Dua Mangte Hain OR Apni Muraden Poori Pate Hain .

         Aap Ka Astana Wo Aatana Hai Jahan Hindu Musli Har Mazhab Ke Log Akidat Mohabbat Ke Saath Aate Hain , OR Aaj Bhi Allah Ke Karam Se Aap Ke Dar Se Kisi Bhi Mazhab Ka Manne Wala Kahali Haath Nahi Lauta .

Aap R-A Urs Mubarak 1 Jamadil Awal Se 10 Jamadil Awwal Tak Badi Shano Shokat Ke Saath Manaya Jata Hai 

Allah Taala Ki Bargah Me Dua Hai Ke Mula Hazrat Haji Abdur Rehman Shah Baba R-A Ke Wasile Se Ham Sab Ki Nek Jaiz Tamanna Aarzon Wo Muradon Ko Poori Aata Farmaye . ( Ameen )

 Notice 

Doston  Agar Aap Hazrat Haji Abdur Rehman Shah Baba R-A Ki History Video Dekhna Chahate Hain To Nichr Diye Gaye Video Par Click Karen .