Hazrat Sayyed Shah Mohammad Zahid R-A
 |
| Hazrat Sayyed Shah Mohammad Zahid R-A |
Aap Ka Pura Naam Hazrat Sayyed Shah Mohammad Zahid Bukhari Suharwardi R-A Hai. Urf Me Aap Ko Michli Peer Kaha Jata Hai.
Aap Apne Naam Ke Mutabik Hi Bade Zahid, Abid, OR Ashiqe Rasool The. Aap Hazrat sayyedna Abdullah Burhanuddin Qutbe Alam R-A Ke Shehzade OR Hazrat Sayyedna Shahe Alam R-A Ke Bhai Hain.
Aap Ki Wiladate Mubarak 9 Rajabul Murajjab 845 Hijri Me Hui, Aap Ki Talimo Tarbiyat Aap Ke Walide Majid OR Aap Ke Bhai Shahe Alam R-A Ke Zere Saye Me Hui. Aap R-A Apne Walide Majid Se Hi Mureed Hue OR Khilafat Ka Sharf Hasil Kiya, Aap Ke Walide Majid Ne Aap Ko Batini Nemat Aata Farmai. OR Sulook Ki Tamam Manzillen Tai Karai.
Aap R-A Ne Apne Bhai Shahe Alam Se Bhi Khilafat Pai Thi.OR Sarkar Shahe Alam Ne Bhi Aap Ko Bohat Nawaz OR Bohat Si Batini Nematen Aata Farmai. Sarkar Shahe Alam R-A Ne Aap Ko Apne Masjid Ka Imam Mukarar Farmaya Tha OR Khud Hazrat Shahe Alam R-A Aap Ke Piche Namaz Padha Karte The. Jis Din Se Aap R-A Ko Imam Banaya Gaya Us Din Se Aap Taharat Ke Mamle Me Ziyada Paak Saaf Rehne Lage,Yahan Tak Ke Jab Aap Istinja Se Farig Hote To Ek Choti Patli Lakdi Ke Saath Kapda Lapette OR Usse Istinja Ki Jagah Andar Tak Saaf Karte Taki Peshab Ka Koi Katra Baki Na Reh Jaye.
Aap R-A Ke Is Takwe OR Taharat Ke Talluk Se Hazrat Shahe Alam R-A Farmaya Karte Hain Ke sayyed Mohammad Zahid Ka Is Taraha Se Istinja Karna Dusron Ki Riyazaton Mujahidat Se Behtar Hai.
Jab Sarkar Shahe Alam R-A Ke Wisale Paak Ka Waqt Kareeb Aaya To Unhone Aap Ko Talab Farmaya, Jab Aap Tashreef Laye To Sarkar Shahe Alam R-A Ne Farmaya Ke Aye Mere Bhai Mohammad Zahid Yahan Aaiye Ke Mere Pairon Se Bandhi Gaib Ke Khazano Ki Chabiyan Me Aap Ko Dun Ye Farma Kar Hazrat Shahe Alam R-A Ne Apna Pair Mubarak Hiaya. OR Wahan Maujood Sab Logone Chabiyon Ki Awaz Suni.
Fir Hazrat Sayyed Mohammad Zahid R-A Ne Bade Adab Wo Ahteram Ke Saath Arz Kiya. Ke Huzoor Me Ne In Khazano Ki Chabiyon Ke Liye Aap Ki Khidmat Nahi Ki, Balki Meri Khwahish To Kuch OR Hi Hai. To Jab Sarkar Shahe Alam R-A Ne Ye Jawab Suna To Bohat Khush Hue Fir Aap ko Kareeb Bulaya OR Apne Sine Se Laga Liya. Fir Apni Mubarak Zuban Ko Hazrat Sayyed Mohammad Zahid R-A Ke Muh Me Di. OR Wo Sari Nemate Aata Farmai Ke Aap Ka Dili Maksad Pura Ho Gaya.
Ye Baat Bohat Mashoor Hai Ke Sarkar Shahe Alam R-A Ke Wisal Ke Baad Aap R-A Ki Baatini Nemat Khususiyat Ke Saath Char Hisso Me Taksim Ho Kar Char Buzurgon Ko Mili. Ek Aap Ke Bade Shahzade OR Sajjada Nashin Hazrat Sayyed Nasiruddin Urf Mohammad Raju Sattar Alam R-A OR Dusre Hazrat Sayyedna Shah Zahid R-A OR Tisre Aap Ke Sabse Pehle Khalifa Hazrat Miya Ahmed Mkhdoom R-A OR Chaonthe Hazrat Sayyedna shareef Abu Bakr Aaidrusi R-A.
Hazrat Shah Mohammad zahid R-A Ka Wisale Paak 4 Ya 6 Shaban 892 Hijri Me Hua, Aap Ke Tabarrukat Me Aap Ke Haathon Se Likha Hua Qurane Paak OR Aap Ki Topi Mubarak OR Aap Ka Kurta Mubarak Aaj Bhi Aap Ke Sajjada Nashin Ke Pass Maujood Hai. Jis Ki Ziyarat Urs Ke Mauke Par Karai Jati Hai. Aap Ka Mazare Paak Ahemdabad Me Vatva Elake Me Apne Walide Mohtaram Hazrat Qube Alam R-A Ki Dargah Se Takriban 1 kilo Mitter Ki Doori Par Maujood Hai. ( Reference : Auliya Ahemdabad )
To Nazreen Ye Thi Hazrat sayyed Mohammad Zahid R-A Ki Sawane Hayat Se Mutalik Maloomat Jo Apne Padha.
Allah Taala Ki Bargah Me Dua Hai Ke Maula Jo Log Is Post Ko Padh Rahe Hain Allah Taala In Sab Ki Nek Jaiz Muradon Ko Poori Farmain ........Ameen Summa Ameen
Nazreen Comment Me Ek Baar Ameen Zaroor Likh Den OR Is Post Ko Share Zaroor Karen Kya Pata Kis Ka Ameen Kehna Allah ki Bargah Me Qabool Ho jaye OR Sab Ki Muradeen Poori Ho Jaye.
Nazreen Agar Aap Hazrat Sayyed sayyed Mohammad Zahid R-A Ki Sawane Hayat Ki Complete Video Dekhna Chahate Ho To Niche Link Par Click Karen.
