Eid-Ul-Fitr Ki Namaz Ka Tarika
Eid-Ul-Fitr Ki Namaz Yani Ramzan Ke Baad Jo Eid Aati Hai Use Eid-Ul-Fitr Kehte Hain Aur Eid-Ul-Fitr Ki Namaz Padhna Wajib Hai Aur Eid-Ul-Fitr Ki Namaz Me 2 Rakaat Hain Jis Me 6 Takbiren Zaid Hai Aur Ye Namaz Jamat Ke Saath Padhi Jati Hai.
Eid-Ul-Fitr Ka Tarika
Sab Se Pehle Niyat Karen
Niyat :- Niyat Ki Me Ne 2 Rakaat Namaz Wajib Eid-Ul-Fitr Ki Waste Allah Taala Ke Muh Mera Kaba Sharif Ki Taraf Allahu Akbar.
Fir Allahu Akbar Kehte Hue Dono Haath Pet Par Naaf Ke Niche Bandh Len Fir Sana Padhen.
Fir 3 Takbir Kahen Pehli Takbir Me Dono Haath Kano Tak Uthain Aur Allahu Akbar Kehte Hue Haath Chod Den.
Fir Dusri Takbir Me Dono Haath Kano Tak Uthain Aur Allahu Akbar Kehte Hue Haath Chod Den
Fir Tesri Takbir Me Dono Haath Kano Tak Uthain Aur Allahu Akbar Kehte Hue Haath Pet Par Naaf Ke Niche Bandh Len.
Fir Iske Baad Imam Surah Fatiha Ke Baad Koi Surah Padhenge.
Uske Baad Ruku Aur Do Sajde Karen Fir Dusri Rakaat Ke Liye Khade Ho Jain
Fir Iske Baad Imam Surah Fatiha Ke Baad Koi Surah Padhenge.
Fir Uske Baad 3 Takbir Kahen Pehli Takbir Me Dono Haath Kano Tak Uthain Aur Allahu Akbar Kehte Hue Haath Chod Den.
Fir Dusri Takbir Me Dono Haath Kano Tak Uthain Aur Allahu Akbar Kehte Hue Haath Chod Den.
Fir Tesri Takbir Me Dono Haath Kano Tak Uthain Aur Allahu Akbar Kehte Hue Haath Chod Den.
Fir Allahu Akbar Kehte Hue Ruku Me Jain Fir Do Sajde Karen Aur Baki Namaz Ki Tarha Attahiyat Aur Daroode Ibrahim Aur Duae Masoora Padhen Aur Namaz Mukammal Karen.
